هنا

[فقار الكرخي]

ٳشحچـولك حتى تمسح كل ملامح وجهي من عينك !!

ٳشبچـولك حتى بيهم بللّت طينك

بديت اشتاگلك وينك !

ٳفترگنا بكل تناقض آنه وياك
انا المنبوذ من ديني..
وانته الكملت دينك

دخيل الله شكثر بيهن دمع ايامي بسنينك

دخيل الله شكثر باﭼـيك للنسيان
بس ما مـره رهملي انسى
يطبع الكاس مر ملگاك بشفافي
واضوگن بيك كل ونسى

ويطبع الريل بس اوداع طرواك
واضوگن بيك بس فرگه

انا الما مره عِشگت انسان
واتجازه بـ حضن ملگه

انا المفطوم ع الحرگة

انا التايه وحيد بنص متاهة طيف
واستاهد حلم جابك
غريبه اﭼـفـوفي يم بابـك
اشلگيت بغيري خاطر تگطع اعتابك !
ولاتصفن اذا متبلله القمصان..
هاي ادموعي بثيابك
مثل ملگه العرب للضيف
هيچي استقبل اصوابك

يناسيني
اريد ارتاح
گمت انسه بـ اديه ﭼـفوف..
گد مابيهن ادعيلك
بچيت اويه الدمع كل ليل
شاربته سهر عيني بعد گلي شنو ابچيلك?
ليلي المستمر عمرين
وانتة الماجست مرة سهر ليلك
دمعي وكل ضـوه بعيني يناسيني فِدة لـ حيلك..





منقول والعباس

[سمراء من قوم عيسى]

عاشت ايدك ع النقل

[الشاعر اسماعيل القريشي]

روعه والله تعيش وتسلم

[أحمد الأحوازي]

مثل ملگه العرب للضيف
هيچي استقبل اصوابك

[فقار الكرخي]

نورتو

[بٰـہٰٖغٰـہٰٖدآديٰـہٰٖة]

شكرا لك