المشاركة الأصلية كتبت بواسطة فقار الكرخي
وين دادة
مو بكيفج تروحين
بعد عندي اسئلة
اتفضل فقار احسب الاجابات بألف دينار
1 . زوجج هم ضاربج . كافخج
ج// اكيد .. تصير بسبب طولة اللسان واستاهل .. بس المشكلة اني يصحولي بروسلي بالعركات بعد هاي افهمها وحدك
2 . شنو علاقتج ب الله
ج/ عبد مقصر لا يستطيع الكف عن ذنبه
علاقة محبة .. اكثر من الطاعة لكن اعلم جيداً انه يحبني فكلما ابكي في حضرته مد لي يد العون وافرحني أضعاف مضاعفه وليست مسالة ربح إنما من أزعل بالدنيا يحب يرضيني رغم اني اعرف إنّو هي الآخرة خير وابقى في ظله
3 . من خلال ردودج شفتج وكأنما
الحشمة والشرف بس عباية .
يعني السافرة بنضرج شنو
راح تتفاجأ من ردي ... السافرة والعباية كلاهما زي لا يقيم الانسان ارتداءه للملابس هاي كل واحد وقناعته وعاداته لكن الروح المنبعثة منهما هو هنا تجي ستارة الروح يا صديقي والدين معاملة والشرف راجع للكل حتى اكو ناس ما تعرفه الله بس محتشمة وشريفه ماله دخل الأزياء بتقييمك الانسان وحتى العاهرات ما فقدن شرفهن الا بسبب الاوضاع الاقتصادية التعبانه فالشرف يا صديقي راجع في كلمة وعد معاملة وليس فقط بالألبسة
4 . اكثر الزوار من يجون للنجف يشكون من اهل النجف
عكس كربلاء والكاظمية
يكولون ماعدهم كرم للزوار
هذا كلامهم الله شاهد
برأيج وين العلة . الزوار يجذبون .لو حجيهم صدك
ج/ تعال مشايه لو زائر بالايام العاديه وكللهم اني زائر ضيفوني وتأكد من المعلومة بنفسك
5 . انتي من انولدتي لكيتي دينج الاسلام
مافكرتي تبحثين بدينج يجوز مو دين صواب
مثلا اليهود اجة للدنية لكة دينة اليهود . وبقة بدينة وبرأية دين حق
ج/ هاي نقطة فطريه بس شويه تبدي تكبر تكوم تبحث حتى توصل للحقائق لان الاختلافات تثير الشبهه ولكي تزيل علامات الاستفهام لازم تلحد لكي تؤمن
6 . تعرفين تلطمين بالقرايات
مثل هذني اليكمزن ويلطمن بحركة
لو من ذني الفطيرات تكعد بزاوية وكت القراية
ج/ أولاً مجالس ابا عبد الله ع تغيرت نحو المفاخرة واللطم فقط ماكو بعدً رسالة من الموضوع لكن هو يكفي ذكرهم بين الناس لكي يتعلمون من مصائبهم ما لم نصبر عليه اليوم .. اني معتكفة حاليا وسابقا كنت من جماعة الي ابد ميدخلون لان استحي.. ههه بس هسه تغيرت وبعد ما استحي ههه
7 . بأعتبارج دارسة وراسج مليان علم و زوجج سيد ابن رسول الله
ومثل مكلتي محافضة مقدسة وكل العلماء والمراجع يمكم
تكدرين تثبتيلي وجود الله
لاتكليلي خلق الطير والشجر ومن هالسوالف
اني هم اكدر اجيب بيضة واحطها جوة دجاجة ويطلع طير
او ازرع بذرة وتطلع شجرة
لا اريد شي يقنعني . وخاصتا انتو اهل الدين .
واذا ماكدرتي تثبتين لعد انتي شلون تعبدين رب متعرفين توصفي .
ج/وجدت الله في عيون اميً الجائعة وهي تسبق اللقمة لفمنا قبل فمها .. وجدت الله في انحناءة ابي بعد جهد يوم كامل وهو يحمل ما جناه لكي يطعم عياله وجدت الله في كل نبض بالطبيعة يحمل يوم جديد ورزق جديد وامل جديد بعنايته
8 . بأعتبارج تكتبين خواطر ونكول شعر .
اريدج توصفيلي دجاجة تعبر الشارع في بيت شعر او خاطرة
ج/ بعد ترددها في ان تقتلع اخر بذرةً على تلك التلال البعيدة لتواصل مسيرها بين المنحدرات قاطفةً في فمها المرتجفة تعباً .. خوفا على صغارها الصارخة وجعاً من الجوع ..تحدت المسافات واجتازت العقبات وكادت تسقط من شدة الإعياء على حافة الطريق المؤدي لبيتها الصغير .. لكنها ادركت بحجم المخاطرة ونهضت من جديد واستجمعت قواها مجتازة الطريق نحو المروج الخضراء وفِي فمها حبات القمح الصغيرة
ج
9 . انتي شنو مستفادة منج النجف
ج/ بنت ولايه .. والي اكدر عليه داسوي حتى تكون افضل
10 . سألو فاطمة الزهراء عليها السلام الحمد لله خوش بنيه رافعة رأسها
ماهو افضل شيء للمرأة .
قالت لاترى رجلا ولا يراها رجل .
زين انتي شلون مكملة كلية
ومنا خبصتينه بالعباية والحشمة
زين ماتشوفين نفسج خالفتي قول الزهراء .
اولا كلية دراستي كانت بنات
ثانيا عمليً مختلط ولو كان لديً إمكانية كان جلست ملكة بيتي لكن ظروف البلد تعبانه عالكل فالهذا نلجأ للعمل بشهادتنه بس اكيد تعاملنه بحدود مع الموظفين .. ترى المنتدى يعكس جانب واحد من شخصيتي يعني مو بالازم أكون بالحقيقة منفتحة واتغزل واجامل أبدا لهذا وبصراحة احس هنا مساحة شخصية لي لأكتب دون تعليق او حكم على كتاباتي فالقلم له روح خاصة بعيداً عن الواقع
زينب لاتسدين الموضوع
هاي فرصتي بعد وين الكفها
