وين اخذتي العافيه
وعشب راسچ ما اكره لون السواد
الليل بس طلعها من ماعونها
ضام من عينچ ضوه لـ شح القميص
الجثه ودهه تكض بـ اليدفنونها
وبس قميصچ يكسر جدام البياض
الگعدن بـ عيني وثنن بجفونها
وين وجهچ يا ضعون الـ ما يجون
و وين اخذتي العافيه الـ بضعونها
حدت بيها لـ ديره بنادم غريب
وحدت بيه بخشبه فوگ متونها
عاينت بعيونها يفيض الزراگ
وزرگه دمعتها وبچيها بـلونها
تبچي ودروب السبي يرشگن گفاي
اندار بمتوني زراگ عيونها
شما ثگل عوزك تره يروح العزيز
شما حلت سالفتك يگطعونها
ليش نسگيها وتشگ زيج الضلوع
الشتله من عروگنه يشلعونها
مثل ضيعه دم چتيل بلا عمام
رماد ضاعت ضحكتي بچانونها
امجد الحلفي
رد مع اقتباس
