مرات نشتهي نكتب ..لو نهرب حتى نكتب.. لو نلكا نفسنا من نكتب ..
بالنسبة الي ..اول ما امسك القلم احس الدفتر يرجف ..يرتعش من الحرف اللي راح اكتبه ..لان يدري انه راح ينجب شعور .. مااعرفه ولا هو يعرفه ..مثل هلوسات بغرفه ظلمة .. مثل انتهاك هيبة الشتاء بثوب صيفي ..استهزاءاً.. لكن بنهاية الامر اكتب .. لان هو احتياج ..صح يخذل الذات لان الغموض صفه محببه بس نكتب
لو سالك شخص ... للسنين عيون واهداب ..شراح تجاوب
وطنا قصة ..وسردها يقتات على امانينا واحلامنا
مشاعرنا ..يمّ.. وظلنا النوارس تطير من حلم الى حلم..واكو الف عقبة ..والف سور عااالي ..ونلگا موانيء ..بس موانيء نحبها ونرتاح بيها واكو لا ..نبقى بيها مجبرين يمكن حتى ما نبقى اغراب ..حتى ننهزم من طيش هواجسنا ...من الغربة بصدورنا
ترا محد.يعيش بلا وطن حتى الانسان المنفي
الصدور ..مكب لنفايات المشاعر
طبعا اكبر كذبه ان النوافذ جماد اخرس ..بس هي تحب الصمت من كثر الشكوى اللي تسمعها من الناس
اكتشفت انه خالف تعرف ..غلط ..مرات يخالف لان غبي
طبعا اذكى انثى بالكون شهرزاد ..عرفت نقطة ضعفهم وظلت تشتغل عليها لما عشقها الملك وصار مايكدر يستغنى عنها
اكثر شي يحس بالغربة مو القلب لا.. الايدين ..معاناتها ...مثل وطن فرضو عليه يتأجر منافي
رد مع اقتباس