گالو انتم عاشگين .. اشعاشگين!!!!
ياحزن خليك يمي
اگرب اگرب جيس كلبي
موحزنهم
موحزنهم انته حزني
وانه مو بطران من اسكر وغني
انه ضــايـع
وطافيه عيون الشــوارع
الحنه لو بجفوف نثيه
لونذر وباب جامع
وانه. وعيوني. وجنطتي
بلكي واحد يعرف اسمي
بلكي واحد جان شايفني وذكرني
وجانت البيبان رمده
وباهته وجوه العرف والملگه بارد
واحنه واحد مادراش بضيم واحد
ردنه نرسم
ردنه نحلم
گالو انتم عاشگين
عاشگين
اشعاشگين!!!!
احنه اصلآ تايهين
احنه اصلآ ضايعين
وركد فوك عيونه تراب السنين
احنه مبيوعين وبرخص الجرايد
وانه گتلك
گتلك بنص القصيده
احنه واحد مادراش بضيم
احمد الزيدي
رد مع اقتباس
المشاركة الأصلية كتبت بواسطة صفاء العامري
