فـاهية چفوفي من اهد ذاك المگاود
ناصر البدري
فـاهية چفوفي من اهد ذاك المگاود
ناصر البدري
ياهو الماسح
أچفوفي من أصابيعك
أشو ..
لميت اغانيك
ورايد تجفي عصريتي
چا وانه ؟
ناصر البدري
تذكر . .
من يبس
محصول گمريتك
صرت فوگ النجم فارس
أعصر صفنـة المحار
وترسلك نهر ونطيك
وماخليك
ترجع لهلك بوحدك .. اخاف عليك
سيفين أعله مهره جنت أروح وياك
ناصر البدري
ضمني ..
بس الليله يمك
أرجف ابابك أولايـه
شارده من الضلمه وجدام السكاره
ناصر البدري
گتلي ماتسوه الحرب
من غير دمك
دنگت نحري وگلتلك
بيش ماتذبحني أحبك
ناصر البدري
بيش !
اعذرك دوهنتني
فراگك ..
بدمي مشه تنور حافي
ومايك بصف العتب مابيه الوحه
ناصر البدري
هذاك أنه
نگـش منسي ..
حدر حجول الحديثات
أحني بخصر ميلادي
وغني الكل كمر مطعون
ماطاح بشواطي الناس
ناصر البدري
ماضل للـعذر شفه
شمسويـن ..
حته تسد دكاكينك
گنالك أخذ صوغة خواطرنـه
وبيع النه ولو حسبة ضحك ساعه
ناصر البدري
ضعنه . .
وجيـل يسحگ جيـل !
.
.
ناصر البدري
ساكت !
والدعاء كادود خمس أوكات
جا يمتـه تفك الباب
يهلبت من سماواتك عذر يسوه . .
ناصر البدري