حزنك ..
نهب گمريتي
ناصر البدري
مساحة لـ رفيقي
تاريخ الافتتاح
١٣/١١/٢٠١٨
التوقيت
١٢:٥٠ص
حزنك ..
نهب گمريتي
ناصر البدري
مساحة لـ رفيقي
تاريخ الافتتاح
١٣/١١/٢٠١٨
التوقيت
١٢:٥٠ص
التعديل الأخير تم بواسطة نوفل أُسامة ; 15/December/2018 الساعة 4:04 pm
بـ العافيه ..
يـ النايمين أبلا حزن
وخدودكم ديرة گطن
تنگط نداره وصافيه . . بـ العافيه
قسمتنه ..
نطفه ويـ الشمع
وعيونـه الشبعت دمع
للحلم تركض حافيه ..
شطين ياخذنه الندم
ونضل عطاشه أبابكم
جبنه الفرات بـهيبته
وماطفه حر صوابكم
جا ليش ..
خاويتو الجفه
وگلوبنه محمله وفه
لافض جرحنه ولا شفه
ولا بخت عدنه وجابكم ..
حسبالنه ..
الشايل تعب
بأجر تشيله أولايته
ماندري ..
ابو كلب الصدك
لو طاح تخلص عازته
سولتنه ..
تبدي من الكلب
والـيل چتال الغرب
كل ساعه يلچمنه الدرب
ونطيح طيحة خايفه ..
صلفه ..
اليالي أبلا صبح
وشينومه البـجرحه ملح
وچماله لو حن الجرح
يرجع الـ الأول سالفه ..
بغياب . .
عطر أچفوفكم
ماتنچهب بيبانـه
نصرخ . .
وأسمكم لو رجع
نشبگ صدى حيطانـه
ناصر البدري
نستني أوجوه
يابو أوجوه
وانه بعز العشك كادود
ليليه أعثر بــ نجمه
وطيح من الفجر موال
منو يدري
وره ضلوعي ..
حلم نـثيه وتعب حمال
ناصر البدري
ودي اكلك
هاك اخذني ..
وين ماتبرد ازنودك
أشعل اضلوعي كواغد
أودي ادنيك
أعله صدري ..
ولعب بشعرك وأذكرك
بــ الأيام النمنه بيـها بـغطه واحد
آخ لو تدري بوحشتك
بيش أساجيـها غربتك
انته رايح
بعد رايح
ماخذت جرحي بجنطتك
ناصر البدري
شكثر
وصيتك ..
وكتلك مالي غيرك
مالي غيرك ..
ياملاذي وغيرتي ولـذة شبابي
هنه بس انته وعيونك جابعد ياهم أحبابي
ناصر البدري
آخ لو تدري بوحشتك
بيش أساجيـها غربتك
انته رايح
بعد رايح
ماخذت جرحي بجنطتك
ناصر البدري
افتتاح موفق ..
اي يــشيال الگـماري
أشـتري النعشك أمتـون ،،
ولبس
أسنين النشامـه
التـرسـة الـعفيـه هلاهـل . .
كل عشگ تكبر بعينـه
لـو متت فـوك الرسايل . .
ناصر البدري
آخ مني ..
شـكد بـچـيت
ولا عرفـت عيوني عدمـن ..!؟
ناصر البدري
الگاع
من فكت صدرها ،،
مطرت الدنيه عصافـير وشـلب
ناصر البدري
