اعزاز عدنه
گايد بروحي الحزن
وامشي ابواچي
ولا شفت خلخال حبني
وليه ماضحكت تراچي
وصدفه من يم بابهم جدمي خذاني
وگلبت لوعات روحي عله الاغاني
واذا ماصدگتو بيه .. روحو سألو جاركم
شگد عزف صوتي لحنهه
التمت بروحي المحنه واشتهيت اخباركم
ولملت شمعاتي وسنيني وضواي
وسكتت بالتگضي وناتي وبچاي
وإلمحت ضحكه
وگلت مو ذوله انتم
ادري موش هلال وجهي
لمن شفتو ليش صمتم؟!
ومخضر بسيتينكم
وانه عله نچله
وهذا صوت من الصدى الشايف ضحكم
صاح بيه
" اعزاز عدنه وشوگهم شوگ الشواطي الليل دجله"
وبعد مانزفت خضاري
الدنيه وتگابح صداها
وين ماتاخذني
گمت امشي وراها
ويامه ردتنه الرسايل
برد من حاچيتكم
وشفت ماتنفع حروفي
ورددت
"تانيتكم..
شجره وكتلها العطش .. ووين.. ابيتكم ؟!
تانيتكم"
ويه كل اغنيه اسال
ها يعين؟!
كافي مو دمعج خلص
ويه الونين
گالت اخر اغنيه ونسد هوانه
بصوت دافي ومنكسر صاحت حنينه
تايبين ..وللمحبه مايرجعنه الحنين
عبدالله العبدلي
رد مع اقتباس
