هنا

[فقار الكرخي]

ڪل قطار يروح لأهله ،
و حتى ينزل ع الترابي
و لو وصل هورِن يدڪ..!
بس قطاري
عايش ؏ الله
و على چویس النبگ ..!
و آني هم بطران چنِّي...،،؟
ستلهست نوم المحطة...!
غير گلبي - عمي و العباس ما.....!!!!!
حيل استحيت..!!
ريل ماشي و ريل جاي..،،
و اني تعلاگه قميص وبیدي جنطة
راسي راس طوير هندي من أعاند مشتهاي..،،!
أنڪسر مثل النعامه و صار عذر الذله ماي..!
لا شمس توصل لأهلنا...؟
و الشمس ڪل يوم ما بيها مَحنَّه ..
عمي انت يالگمر ..؟
يالتوزع عافيه ؏ اسطوحنا
احنا وادم ما تلوحڪ مره سويها بحياتڪ لوحنا ..!
لا شمس تفهم بچي ،
لا گمر يسمع حچي ،
لا محطه و لا قطار ،
الحِنين يموت غربه و الوطن لسختَچي..!






أحمد العامري

[الشاعر اسماعيل القريشي]

صح لسانك رووووعه

[سمراء من قوم عيسى]

رائع جدا

[فقار الكرخي]

منورين