هنا

[فقار الكرخي]

طفت بيه المناير
والضوه تلثم
وشگيت الرساله من الجرح لدم
يثاريني
خشب مگرود
كل ساعه بنويه انگاد
وكل ساعه
عبد عد نوح
وسمار ال أخ حيل ملهوگ شفافي
ليش اظلم بخت تابوت
وليش يموت
المايدري اعله ياهو يموت ليش يموت
مهي الدنيه
حلاوة كاس
لچن تملخ صفاح الريج
ياهو الينحنيلي هلال
من يطيح محرابي
چا هوه
المطر لو طاح مايندل
بس الكاع تفزعله شليل فطور
يهنياله اليجيسونه ويصبح طين
وين الگالي گرصة غيم
ماجايسه جف دخان
دثيث الگيض لهوگني
وأنه أحلامي ورديه
ولا ناعور درفع گصته اعله الماي
من شاف العطش مكرود
بضنوني مهر ممحل
ضل بطرك المبارك
بيا فصليه أشد ذنبي
اذا مو جف عرس ماتخدر الحنه
زرعت البرد خمس اوكات
بس ما خضر إبراهيم
يثاري الشيب مايبرد ثلج جذاب
وين الگه وحي التفاح
بعيوني حجي حديثات
أريد بنادم يبلل گصايبهن
أريد إنسان
حته يصدك انه إنسان
ما كاسرت عصريتي بنفس غيري
بيض ذنبي يشبهني
ما رگصن رگص عاهر
آثاري الدنيه ناس و ناس
شياني
وهدنت روحي وصرت يوسف
شليل البير مايلتفت للقمصان
يأخذ رزقه ع الطايح
يحلمي
السكته ماتشبه درب لوني
العدهم مالت الله باگو عيوني
ولهسه زلوفي تگرهني
جي متن الترجي نباك
وقرآن الشمع مغبون
شگگ شارة الفانوس
لمن صعد سوك الطيش
شلي بعين الولايات
الشابع ليل يدري النجمه وين تبات
لا تلبس كفه الماشين
ترى بعين السهم مايوكف الكاروك
ماكو بكيفي و بكيفك
عله صدر النهر يتبختر المشحوف
ومن تغثه خورت ماي
يوكفله ثنعش مجذاف
يحلمي
الجنه موش النه
ليش نتوب عتك شباچ بستاني
تعال استنكه المرطبات
تعال اشچم كمر تاناك
ونته معاشر المدري
اتيه بنص تجاعيدي
من افوت بسجت مرايه
تعال عليك انته عليك
هوه انته قسم عشاك






ناصر البدري

[الشاعر اسماعيل القريشي]

كلك ذوق وابداع

[سمراء من قوم عيسى]

الله
عاشت ايدك

[فقار الكرخي]

نورتو