هنا

[فقار الكرخي]

يهــيـبة ديـننـه لــولـــاك مــانــكــبر
يطـاري اسـوالـفـك قــرآن ومــفـسر.

يل مـنطي الـضـوه من گبتكـ فانوس
يـل امـصاحـب صـلاة اليـل والمـنبـر

يه وجهه العافيه يم كل مريض انخاك
يتـارس خـلـگ ريـتي بـواهسـك عنــبر

الصبح من شيبتك چمّلهه روحه امتاع
شـمـا تـعـله الشمس يم گـبِتك تــزغر.

غريـب انته. لجن كل اهلي ليش الگاك
حمامه انطيت روحي اعله الصحن تفتر

عطش ﭼـفي اعله شباچک وخضّر بور
وﭼـايمته اعله ﭼـفي ايلوح عود اخـضر

دخليني الـتم بـروحك وعيش انسـان
شـمـا غـيـرك يـلمـني ارجـع اتـطــشر

خفت ما اوصـلک تـاکل اسـنینی ایام
شــما طـال الـدرب بـیـه الصـبر یگـصر

ذهب بس انته بيه الباقي كلشي اتراب
وشيـلـنك حـرز عـن روحـي تـطرد شر
ما عشت بقصر لاکن عشت سلطان
یـل ابـگـربـک امـان التـایـهـه ال بلبر

الما منـدل ضـواك الگـاه افضـالت ليل
ومـعـاشــر غــدر والكــاس والخــنجر

الــما ينـدل ربيـعـك عـمره مـابـي لـون
الـربحهه ازيـارتـك كل عـمره مايـخسر
يراضـي ومرتضـي ومرضّي كل محـتاج
يشـمس اللـه الفـجـر لولاك مـا ينـطـر
وَحاﭼـيلي الـدرب محـبوسه بيه اجدام
وعلــه حبــل السچـچ ضل العمر ينـشر

اشـوفنــك نهـر وتنعـه الـك عـطشــان
وتـفـز بـیـه علـي واسم الله من اعثر

رضا.وباب الرضالله من ادگه الگاک
يعطـر الجـنـه من اگرنفـل الـ كوثـر







شيماء الـناصري

[سمراء من قوم عيسى]

رائع

[فقار الكرخي]

منورة