هنا

[فقار الكرخي]

من اجر نفسي وجع..اي وجع حته امنحوس.
یاالهي
جرت انـ فاسي امنجرهه حته خافن چنهه موس.
ابـ صفنت الغربه یتامه.
اشلون اهزهه بس اهزهه اطیح روس.
ابـ لیلت الزفه یربي عدمو العریس جدام العروس.
بذني صایح خوف اهیس.
چن اهیس
چثث محتاجه نفوس
هاذه ذیب
وهاذه یوسف
وین اثار اظروس.
عود شخاط انه صایر
خوفت حته الجگایر
زامطت بیت الظلام اوگتله نور.
ولعب ابشفتل بخور.
اولگطت چلمات لحلوگ اطیور.
ایغردن احنه ابچف مذله مانبوس
.دوس یل زارع خناجر انته مو فلاح دوس
انه راید هیچ
ارکض عل هوا
.وگرص ابخد الشمس
من اگرص یزود الضوا
والقیم مایحچي خنوس
ولا یمد چفه السمه
انه آمرله وگله انزل اوطیع الجلوس
ومس شفت النهر املح
رت اسبحه للاسف بس ماکو طوس

وارد ازف الشمس باجر للگمر
باچر اعزم لڬ علي وعزم عمر
حته اشوف الشمس تحبل
خاطر اتخلف شموس

یعني باچر احتفال
باچر القعقاع یگعد یگعد یجیب انضال

اوخالد وجیشه یجیني
خاف عدواني تحوس
دوس یل زارع خناجر انته مو فلاح دوس..







حسن الـ حیدري

[سمراء من قوم عيسى]

رائع

[الشاعر اسماعيل القريشي]

جميل جدا

[فقار الكرخي]

منورين