حجو اهل السياسه اشكال والالوان
وراح احچي وصل هليوم دوري
وقبل مااحچي أني واقسم بهاي
احب تراب گاعي واحب هوري
ميهمني أياد يصير مسؤول
لو تبقى الرئاسه بأيد نوري
المهم عندي العراق أموحد گلوب
الركابي يبات بمضيف الجبوري
وأبن أربيل اريده بحضن ذي قار
وأبن ميسان يستانس حضوري
أريد شوي هدوء وطولت البال
أريد براحه أعبرعن شعوري
ضروري ال صنّته في بعض المكانات
ولو احنه بزمن مابي ضروري
خلي شويه اركز علمعاناه
واطلع أهمومي واسردهه بسطوري
ولتصفگ أبد ماريد تصفيگ
خلي الصفگة للدهّور أموري
تصفگلي بشرط نتراهم بهاي
تگول بلاء لل يتم جدوري
أريد اللاء تدوي بصوت مسموع
أريد الصوت من عندك جهوري
أرفض كل رصاصه تخوف الاطفال
وتهز الليل وتجفل طيوري
عاوني اعله وكتي وأوگف وياي
خل أبني الوطن وأوفي بنذوري
عوف أهل السياسه وحقد الكبار
والله يزيد طاريهم نفوري
ومو أني الوحيد أبوري مضروب
العراق اليوم كله انضرب بوري
واني ادري الحقيقه تريد شجعان
لذلك اعترف اني بقصوري
صوچي انطيت صوتي لناس موحوك
أني أزرعت والخله أبذوري
أل يزرع شوك طبعا يحصد الشوك
هو الشوك خلّف يوم جوري
اعتذر موقصدي الكلام بالسياسه لكن القصيده جذبتني لانها تعبر عن واقع مرير
رد مع اقتباس
المشاركة الأصلية كتبت بواسطة كبريائي قاهرهم
