لاتسلم إیدي خشنه.
چلمت اهواي آنه احبڬ
ماتلوگ ابـ حلگي لن شایل فقر.
وانته ابن تجار عمي
وآنه املڬ بس شعر.
انته تبني ابـ قصر شوگڬ
وآنه احفر بلگبر.
لاتسلم إیدي خشنه.
وانته إیدڬ چنهه ورده وگاعده أباول فجر.
لاتعاینلي التعب بایگني بوگ
.وانته کلڬ راحه شوف اشلون گلي اعلیڬ الوگ
واستمر.
واللیل فایت دنیه ظلمه
امنین اجیبن ضاحي ویغنیلڬ اغنیة خیانه.
امنین اجیبه ایغني اغنیه الاحبهه ابصوت عالي
!!انته وآنه!!
!!انته وآنه!!
ابلا عذر.
انکت اچفوفي وگولن کلشي مات.
وحته عافیتي اترکتني وصافحت چف الشمات.
وماتمر.
.وین اسولف وشکي عدمن.
آنه مسلم ولاحبهم صبحو کلهم کفر.
.ابـ چفي عوز امچلب وینگط عسر.
خلنی مرتاح ابعذابي .
عمري بلعشرین بعده دورت ماکو شبابي.
کون ابدي من صفر.
اخ من انکت ابرمشي.
گمت احس یوجعني کلشي.
.وحتی دمع العین من عیني یطیح.
الخاطرالله اشبیڬ تبچي.
الدمع بعیوني یصیح..
ابـ خدي حافرلي حفر.
الطیر یرهم ویه شجره.
انته طیر
وآنه حفره
غاد من عندي اشتمر.
لایغرڬ فلس جیبڬ.
لویغرڬ هذه عیبڬ.
عود یمي وتنکسر
انته ابن تجار عمي
وآنه املڬ بس شعر
منقول
رد مع اقتباس
