يبت العافيه شتردين
نسيتيني
وخذوج المادرو بعروكج بيا طين مشتوله
شنو شوداج يم ذوله
يبت العافيه شتردين
اصوغلج عيوني كلايد معرسين
بس بيج الهجر سوله
ومدري شمالني ويه الموت
الناس تموت موت الله وانه التكتلني هلهوله......
اذكرينيني
لعلهه اتفيدني الذكرى
وحضنيني ضعن بدوي
البداوه اتموت اذا ماتحضن الصحره
وعصريني
العنب من ينعصر ياخذ عگول الناس
وشربي ألوان عافيتي الشجر يشرب خظاره الفاس
وجيسيني
اليحب يرتاح لو بجفوف ولفه انجاس
وانه گد الهجر وگدود بس وياج ماكدره
سمره حجاية البستان بس حجايتج خضره
حاجيني الذنب بيمن
انه المتحفي يم جمرح
انه الماغافيه عيونه وتذيهه رويحته بعطرج
انه ذاك التشلبه اسنين مالايح طرف عمرج
انه سولة نده بروحي
اطيحن وين ما الكه ورد من ساجيت نحرج
وكل ذني ونسيتيني
وغفو بولايتج غربه وانه ردت النوه وماصح
يالمسبله ع العميان ليش وياي مايج شح
ومن سير عليه الليل جنت مناطرج نجمه
خفت احجيج واتخلصين
هنه سوالفج نعمه
رحتي الديرت الفاهين
ماعدهم عرف بالتين
مابيهم ولا فلاح
مامرتاح
بس الماخذج مرتاح.
كريم حاشوش
رد مع اقتباس
