هنا

[كبريائي قاهرهم]

هلاو :
راح اليوم احجيلكم سالفه جان جدي ايسولفهه النه من احنه ازغار و اجيال ورا اجيال حتعيش على حلمنا ...
العفو هاي وين رحت اني اجيال ورا اجيال كام جدي ايسولفهه النه وهاي السالفه تكول ...
اوكفو خل الصوره اتغوش عود دا اتذكر !!

وحده اسمهه (ام عراج ) هاي مصره ما تروح الاهلهه ..
راحوا للواوي كللوله يا واوي يا واوي (هوه يكولهه مرتين مو اني ) اكتل ام عراج ام اعراج ما تروح الاهلهه ..
الواوي كال اني ياهو مالتي !!
راحوا للجلاب كالولهه يا جلاب يا جلاب اكتلي الواوي الواوي ما يكتل ام عراج وام عراج ما تروح الاهلهه ..
الجلاب كالت اني ياهو مالتي !!
راحوا لمرت حسين (بفتح السين وتشديد الياء ) كالولهه مرت حسين مرت حسين اكتلي جلابج جلابج ما يكتلن الواوي والواوي ما يكتل ام عراج وام عراج ما تروح الاهلهه ..
كالت اني ياهو مالتي ..

راحوا لحسين كلوله يا حسين يا حسين اكتل مرتك مرتك ما تكتل جلابه وهجلابهه ما يكتلن الواوي والواوي ما يكتل ام عراج وام عراج ما تروح الاهلهه ..
كال اني ياهو مالتي ؟
راحوا للمزين (الحلاق ) كالوله يا مزين زين لحية حسين حسين ما يكتل مرته و مرته ما تكتل جلابه وجلابهه ما يكتلن الواوي والواوي ما يكتل ام عراج وام عراج ما تروح الاهلهه ..
كال اني ياهو مالتي ؟(ياهو مو كوكل )هههههه

راحو للنار كالولهه يا نار يا نار احركي بيت المزين المزين ما يزين لحية حسين وحسين ما يكتل مرته و مرته ما تكتل جلابه وجلابهه ما يكتلن الواوي والواوي ما يكتل ام عراج وام عراج ما تروح الاهلهه ....
كالت النار اني ياهو مالتي
راحوا عالمي كالوله يا مي طفي النار النار ما تحرك بيت المزين المزين ما يزين لحية حسين وحسين ما يكتل مرته و مرته ما تكتل جلابه وجلابهه ما يكتلن الواوي والواوي ما يكتل ام عراج وام عراج ما تروح الاهلهه ....
كال المي اني ياهو مالتي ؟
راحوا للحمار كالوله ياحمار اشرب المي المي ما يطفي النار النار ما تحرك بيت المزين المزين ما يزين لحية حسين وحسين ما يكتل مرته و مرته ما تكتل جلابه وجلابهه ما يكتلن الواوي والواوي ما يكتل ام عراج وام عراج ما تروح الاهلهه ....
كال الحمار هوه هم يحجي عود اني ياهو مالتي ؟
راحوا للفار كالوله يا فار ادخل بذان الحمار الحمار ما يشرب الماي المي ما يطفي النار النار ما تحرك بيت المزين المزين ما يزين لحية حسين وحسين ما يكتل مرته و مرته ما تكتل جلابه وجلابهه ما يكتلن الواوي والواوي ما يكتل ام عراج وام عراج ما تروح الاهلهه ....
كال الفار اني ياهو مالتي ؟
راحوا للهر كالوله ياهر يا هر اكل الفار الفار ما يطب بذان الحمار الحمار ما يشرب الماي المي ما يطفي النار النار ما تحرك بيت المزين المزين ما يزين لحية حسين وحسين ما يكتل مرته و مرته ما تكتل جلابه وجلابهه ما يكتلن الواوي والواوي ما يكتل ام عراج وام عراج ما تروح الاهلهه ....

وهنا بده العد التنازلي طفر الهر عالفار فات الفار بذان الحمار شرب الحمار المي ذبه عالنار النار حركت بيت المزين المزين زين لحيت حسين حسين كتل مرته مرته كتلت جلابهه جلابهه كتلن الواوي الواوي كتل ام عراج ام عراج راحت لاهلهه ...
من انعل ابو ام عراج لابو الواوي لابو الجلاب لابو ......... الخ

بس مو صوج ام عراج صوجي اني جنت اتوسل بجدي حته ايسولفلي هالسالفه الكشره روحوا تره صرت اعصاب ...
اشوني مو اخبل

[ٱجَمل ٱنٌسًٱنٌة]

ههههههههههههههههههههههههه ه كلشي ما افتهمت من القصة
شكراااااااااااااااااااااا على الموضوع

[رنو]

هههههههههههه القصة اتدوخ اشلون حفظتهة

[جابر الرمثان]

قصه روووووووعه من راوي ممتع بصراحه استمتعت ......^_*

[عاشق الأزرق]

[كبريائي قاهرهم]

ههههههههههههههههههههههههه ههههههههههههههههههههههههه ههههههههه
هو اني افتهمت منها حتى انتو تفتهمون
هي ام عراج دمرتنه تدمر لو رايحة لبيت اهلهه من البداية
مجان صارت القصة هههههههههههه
نورتوني اصدقائي الراقيين
ودي

[ḾïSs TǿTà]

[ليديا]

هههههههههه قصة طريفة جدا عندنا في تراثنا الشعبي الجزائي وحدة تشبهها لكن ما عندي قوتك حتى اسولفهالكم

ههههههههههههه صج في القصة شيء ما مضبوط يعني شلون يكتلوا بعضهم وهم مكتولين وشلون ام عراج تروح لاهلها بعد ماكتلها ابو الواوي

ههههههههههههه تصدق من اول ما ظهر ابو الواوي انا كلت في نفسي معقول قاهرهم رح يسولفنا على برنس اوف لوف

هااااه شلون شايفيني وانا احجي عراقي ما اخبل والله ؟؟؟ هههههههههههه

[ليليا]

ههههههههه شنو هالدوخة جان راحت من البداية و فضتها بس نسوان متجي الا بالعين الحمرة هههههههههه

[كبريائي قاهرهم]

ههههههههههههههههههههههههه ههههههههههههههههههههههههه هههههههههههههههههههه
ليديا تخبلين بالعراقي خيتووو ربي يحفظج

ليليا ههههههههههههههههههههههههه ههههههههههههه
خو انتي حجيتيها عاااااا

نورتو يا غالين
ودي وعبير وردي