هنا

[فقار الكرخي]

من فگدتك دورت محد فگدني

شنهي بيك شيوجعك دلنه بلچمتك ؟
ضال بحسرتهن ومحد نشدني
يا هلي
لا يا هلي المحد نشدني
شلونك شرخص الـ شلونك
وانه چنت بعازه شلونك واحبـــــــــك
وادري بس شلونك الـ منك تجي لـ لوني تردني
والرسايل
يا حبيبي الليله ميتات الرسايل
جاي صوبك
خيط شارد من عباه امي اعله شباچك تشدني
صرخه من گلب التوابيت واجيتك
طير شابع موت اجيتك
ضمني حريتي بقميصك
لو تكسر جنحي وابابك تهدني
لا تمشيني بدرب ما بي زفيرك
وانه العذيبي رفس ريتي ومردني
لا تسد عمري تره مو باب عمــري
هلي يطلبونك بنادم گوم سدني

من فگدتك دورت محد فگدني
گفه مراية خلاف وجهك
لا بنادم طاحت عيونه اعله وجهي ولا چهبني
انه احبك
يا ملذهه بصوتك ويا مرهه من غيرك يحبني
ضامك چويه بـ ضميري
ضامك لچمـه بـ محطات الضلوع وفارگتني




امجد الحلفي

[سمراء من قوم عيسى]

رائع ومبدع كاما تعودنا على كل حروفك الراقية

[الشاعر اسماعيل القريشي]

رووووعه يا طيب

[فقار الكرخي]

منورين