زحمه العمر يخلص بالفراگ
زحمه العمر يخلص بالفراگ
واحلامك من العين تنباگ
تمشي بندم وتعاتب الراگ
تالي المگاود تبدي تشتاگ
زحمه تشوفك وحدك الناس
ويبدي الحزن يتناوش الكاس
زحمه خضارك ينتهي بفاس
والجاسه كلبك يبدي ينجاس
ها وين ? تبقه بحسرة الوين
مرسومه نيتك ع الحياطين
مكسور جن ضحكة مساجين
فيض الدمع غطه الروازين
وعيونك الطاحن وره البوب
ينوحن عليهم بعد جم دوب ؟!
هجروك وانته تحمل ذنوب
تغازل بكاسك وكت الغروب
ارسم گلب وارسمله كلمه
موت بسماهم نجمه نجمه
قسمه العشگ يهواي قسمه
دوس اعله كلبك موش زحمه
زحمه العمر يخلص بالفراگ
احمد الكيشوان
رد مع اقتباس
