شيگضي ليله الفاگد عزاز
يادمع طيح وطفي العيون
كثر السهر ماضلت جفون
ماچان ضني بسرعه يرحون
كابوسهم طيحلي المتون
ناذر عمر خاطر يرجعون
...............................
چم دوب تحرگني المراسيل
مامش صبح يلفيني بس ليل
وصلت لحد وشالت الحيـل
ثاري الصور بحبابها تعيل
مو عشگ من تگضي تواسل
....................................
ياحزن كافي وياي محتام
جرح الفگد مايقبل ينام
عمر الكسر الماضمده الجام
جروح الگلب ميفيدها الثام
بعين الفگد ماضلت احلام
...............................
اليمته اشوف بروحي جناز
التابوتي صار سنين معتاز
بهيبة صورهم كاشخ كزاز
شيگضي ليله الفاگد عزاز
............................
ايي من عساني بحوبة العيد
دارت سنه ومامش شواهيد
من ضهري تنشاف التجاعيد
گد حزني ضيعت المواليد
بهيده عله كلمن عايش وحيد
.....................................
طاح الوجه من كثر العتاب
ياباب اعاتب گلي ياباب
مامش محنه بروح الاحباب
لا عين تغفه ولا جرح طاب
عمره الگلب ملچوم ماتاب
................................
ياليل غني ودير بالكاس
حنظل عشگهم صار مو ياس
انه الچنت بصور انباس
بخيالي بان الشيب ينداس
اااا ياعشگهم دگته بالراس
احمد الساعدي
رد مع اقتباس