تارسني افه وشيب وتجاعيد
هو انه لو طيفك يجيني
ماتنفتح وانساها عيني
مغمض لخلصهن سنيني
خايب شمالك تشتريني
مره بمجان او واعداني
دارت سنه وانه بمجاني
لاكلي روح ولا اجاني
عودك يجيني وهل متاني
عمر العشك ماصار گوة
ولا ينلكي بالكاع لگوة
ولاطارش يجيبه الك چسوة
ولا من تحشم يجي بنخوة
ولا تحضه بي من تهز شجوه
انه من اجيتك موش بلوة
شفتك عفي وللعشك تسوة
يامن رحت لك موش فدوة
بيك احتضي خليني حضوه
التمن جروحك بيه خايب
بلا مستحه لمت كرايب
ماتعله عين عللحواجب
ليش أنكره مثل الطلايب
تارسني افه وشيب وتجاعيد
كل هذا وتلهوج ولاهيد
العمله كل مايعتك يزيد
مثل المحابس والمواليد
معوز دفو موش الا بردان
ومش الدمع موش الا بردان
بعز نومتي وفزيت زعلان
حتى بطيوفك كلبي خسران!
م
رد مع اقتباس
