ربي شمسڬ موشمس بعیوني لیل.
ربي شکراً
کلشي شایف.
ناس علست کل حچیهه.
وطمت اچلم البخت یم الصرایف.
النیه ظنتڬ صافیه ابـ حلگ التراب؟
النیه دم انخبطت ابدم الشباب.
وحیل خایف.
ربي عزرائيل سولفلي علي.
ربي لو هواَ یجیني لو اجي.
اهواي عدنه سوالف.
ربی ضایج.
ولگبر هم ضیجه اکثر.
ربي اخذني مااریدن بعد اکبر.
قسم بسمڬ مااجازف.
شفت شایب بیده عوز.
وابنه راید منه زفه.
ربي اعرفه.
ربي هوا اشگد یحبڬ.
بس لچن شو خالي چفه.
وتارس اچفوف الّذي ایسمونه حایف.
ربي شکراً کلشي شایف.
لیله ضلمه.
وصوت عصفور السجین ایغرد ابذان السکوت.
ایغرد ویعلن ابصوته راح اموت.
وریجه ناشف.
عدي ملگه ابـروحي شاطت من زمان
ابـجرحي حالف.
ربي ریات النفس مابیهه حیل.
ربي شمسڬ موشمس بعیوني لیل.
وبعد قطعن مااوالف.
ربي أکسر خاطر الماااااااا عنده خاطر.
ربي اخذني الیوم اخذني لاتطول بیهه باچر.
گمت احس ابـجرحي عازف.
ربي گصتي امنل خجل صبتلي طین.
ولحرامي ابـ کیفه یفتر والشریف اصبح سجین.
وکلشی عارف.
ربي شفت الصیف عاشگله برد.
وسجنو الفراشه چي حبت ورد.
ربي شفت الملک یخدم للعبد.
وکلشي بدنیه یصادف.
نگلت اجدام الهوا تمشي أعله ناي.
اضحڬ البطران گلي.
وین ذیچ
وین هاي.
ابلاظمیر ولاعواطف.
ربي شکراً کلشي شایف....
حســـــن الـ حیدري
رد مع اقتباس
