لبست اسوَد لان شمّاتي یفترّون
اَجرهن و الّدق وصّل السبع احبآل
بحیث إیدي العرگ سم گامت اتذبّه
ابلا وجه و گفه و طآلع اوجوه الخیط
و صلابک مطرگه و مالَم شمل خشبه
وردت ثوب آنه و عل فلح مامحسوب
ابهوه إیضکني الشتل مو گاعک الصلبه
طبع نوط و حرت عل ضوه و ماقاریک
و انه ابسرداب اراوي اضلوعي المچلبه
حمَل یوسف البیر و مامعرّس چآن
هوه الزین یطلع لو نده ابجربه
و عرفت ال لبده صیت .امن اهد ما صفّیت
فرق .دشّت الغآر و طلعت الچذبه
ضگت عشره .ابغلق . بدّاي عد مطلوب
عین اعله الگهوچي و عین عل عتبه
اعله بابک وادم ابلا روس ملتمّین
البیهن شایفک .ثاري اطلعن طلبه
عشت لجلک . قفل .تطعنّي بس احمیک
هوه الستر غیره و مو شغل رغبه
الچتف مترهّي چي یدریهه من تغتاض
اهلهه بل سمه . شیرجّع الرتبه
و لبست اسوَد لان شمّاتي یفترّون
حتی اثبت چنت بعیونهم کعبه
الصدگ‌محبس .یزنجر من یلبسه ابهآم
ماترهَم ابخیمه و تنبني الشبّه
الیحب مثل الصلا .تبطل وجه لو دار
الخلگه اچفوف جاهل .عشگه بي لعبه
یوسف الغرباوي
رد مع اقتباس
