عشك عشرين
ناگوط العشگ حدر جزه العشرين
يعت باول خضار الروح واللهفه
رجف عودي الرچيچ وگلبي كله بتوت
دگن وي سماره استهون الزفه
جف لين عرجهن بالمحاير راي
وغاواهن ربيعه بضحكة الشفه
شمخت شجره وفيايه كتر الغيم
وعاندت العواتي الرادن اتخفه
غده حد البرائه وكاسر الهه الشوف
خبط صافي النوايه اتنوع لچفه
شتل بيه الخريفه وطاحن الورگات
واعاين بالنزيز يفرهد الدفه
فز بيه الربه عاگد خلگ صوبين
وسفه وحيف شجره تطوطح برفه
اعالج واتبربد بمرادف اللوم
وفر مني النفس متحايز بصفه
خطف لوني الوداع وصوفر من صباي
لا اصلح حطب لا جرحي هم يشفه
نخر بيه الحنين وبهت حيل الحيل
ارگع بالوجه مگفاي يتچفه
شرجيهم لفاني بعز ضهاري الصيف
الرايح واليرد بترابي يتشفه
زهراء الركابي
رد مع اقتباس
