إيا برودك دافي بس بي لسعه
گد الحنين الغافي بيه اتلگاك
يل درت وجهك والفراگَ اتبعه
ماتوبن وبحلامي راسلملك باب
وخليتلك خطين مو خط رجعه
موثوبي اعرفه ليش اجرب النسيان
هندس غيابك والجرح بي لمعه
چي ابچي واعثر شبهوني بناعور
وماتوگف ابجفني منذكرك دمعه
سابع سمه والكَاع كلهن ضيگات
وبعيني بس بابك احسن وسعه
من برد حجيك كل كتر گلبي حروگَ
إيا برودك دافي بس بي لسعه
شتريد اظل ورگه ابخريفك ورتاح؟
ماتلكَه مثلي ايحبك شما تسعه
المجذاف عكازة البلم ماله اجدام
مشلول باقي شما الروجه ادفعه
مافاهم اعذارك ولاحچي الناس
ذاك اني المشابگـ ظلامك شمعه
ذاك التبوگه بين ضحكة ونظرات
مفضوح حنيه وجروحه مفرعه
العطرك ابصدرة غفه وبات اسنين
لاهسه عطاب اليبات ابظلعه
مصطفي الصباح
رد مع اقتباس
المشاركة الأصلية كتبت بواسطة فقار الكرخي
