أعشگك للبرد ، لجروح ماتنراف
وأضيفك للصريفة ألهدهداهة ألليل
وأورجك عاللي ماينشاف
بواچي الغيم شتوية
وبواچينة عمر و أرداف
ومثل دمعي ، أعشگك عشگ ماينعاف
ومثل جرحي ، أعشگك مذبحة ومنجل
نحش الدنيا ، وإنبع فرد شتله
ومثل متحزم الشبة ، فناجين ، وزلم ، وادلال
يحزمنة رمش سعفة
وشدات الورد تحلة ، أشحوت باكتارهة أمن ألوان
وماطول الگمر معشوگ كل إمچان
أنة أوياك فد مهرة ، و يچفنة أيگود فد أعنان
نهب أويه ألهوة ، ألمحد وضعله احدود لو نيشان
ونلگح من طلع نخلتنة كل بستان.
من قصيدة مناجل/للشاعر ألراحل
كاظم الركابي
رد مع اقتباس
المشاركة الأصلية كتبت بواسطة فقار الكرخي
