رسالة أأخ
وكـ يـا أأخ بسك تكبر بسكته
ولك أأخ ـي
العمر أشگر
' شعر لعابه مشطته '
واجيت انت
' گصيبة موت خصلته '
ولك أأخ ـي
العلگ يسرح
وانه بشكاله . ناذرته !
ولك أأخ ـي
المرض زلمه .
حسب بعظامي
جم نسمه .
يعتني شما تصح شمه . واخذ شمته .
ولك يـ انته َ
تبچيني . وتبديني . إعله كل نكته
إعله كل ضحكه
إعله كل طفله
إعله كل والد تمنى يمشط لـ بته !
ولك مو ريشي خلصته
زحف .. ماچني عصفوره !
ولك المرايه تجرحني
رغم ما انه مكسوره !
ولك مو شعري اضفرنه . بقلم ماچك ع الصوره !
ولك هدني العمر توه
ولك هدني اضل فدوه
بعد بيها الرجل خطوه . والف خطوه .
ولك هدني اريد امشي _
واذا
ماكفن
ازلوفي
اخذ رمشي _
ولك مابيه كل ضنه .
ولك مابيه اگضنه .
حلم
ورموشي ماهنه !
ولك شاقيني . دغدغني
ولك أأخ ـك . تزلغني
ولك و چفوفي مجروحه
ولك و الدنيا مرجوحه
اريد العب
اريد اتعب
اريد اعشك . ولو لعابه . اريد انحب .
اريد ابچي إعله لعباتي _
تعبت ابچي إعله إشعاتي _
ابراهيم الرائدي
رد مع اقتباس
المشاركة الأصلية كتبت بواسطة سمراء من قوم عيسى
