(( هيج روحي))
چفوني رمدة والنظر كلش شحيح
كطرة كطرة العافيه بهيمه أنچفت
الليل ماقصر ترس عيني بسواد
شلي بالغبشه الأجت والما أجت
روحي غيمه وزخت بنص المحيط
ياهو يدري شقدمت وشأخرت
مو ترس جلدك يدمعي شما بجيت
يم المفرعه بمگابر لو بجت
دوخ چدامي الوكت ماعدة راي
چدمي يثبت كون المسودن ثبت
مجمرة ريتي والنفس شرجي وعجاج
هادر الدلال مالحظه هفت
تازة طگات الوكت مامش عتيج
جرحي مال اليوم هستوة نبت
صوتي گصبه ومن أنوحن يبجي ناي
ونة المخنوك تگتل لو علت
صدري مسقط راس كل حسرة يتيم
مو جديدة الحسرة بضلوعي ربت
دنيا اليفرهد حظنهه تشبعه نوم
ولليهز كاروكهه أبداً ماغفت
مدبغ عل التاهن أنه ليش أخاف
وين التطَيح جبل يمي لفت
هانت وخلصت كضت هيج أرد أعيش
أنه شمحصل صفت والماصفت
دنيا ضمتلي الفرح ضمت عيوز
صرار دفنتهه اليحصله بي بخت
م
رد مع اقتباس
