درر العراق

فقار الكرخي · 7/November/2018

..

روح گـل للماخذڬ الله کـریم..
وگلة مبـروڬ بحیاتڬ من فزت..

آنـه مابوگن گلب ماهو حلال..
منڬ ومـن غیر نـاس اَتعلمت..
اٰنته. سامع بلعشگ لوهیج اَجیت؟
هیه فوضة هیج اَجیت وحولت؟؟؟؟
آنه حلقه أبـ چف محب کلش قدیم.
راد یـ نزعنی أبـ چذب وسـودنـت.
وآنه ادری الماخذڬ بجیوبآ حیل.
وآنه بأول لـ حضة یمڬ صخنت
رکـر.. أبـوجهی تعب مـال اُمهات..
وعینڬ ابـ عینی صفت لمن خنت
گمت اٖعثر بـ ندة أبـ‌گد مستحای..
طاح شوگی ورت اَشیله وماشلت..
وآنه ادری الـ ملح بی حوبت أمام..
طـاحن إچفوفی ابـ کثر ماملحت ..
گمت احط ابزادی خلگی ومشتهای.
وگـلت اغزر بس لچن ما غزرت..
شایل ابـ‌چفی عشگ ینگط خظار..
وصبخة گاعڬ ماصحیت وخضرت
گلبی شدیت علگ بل حضرة بات..
گـتلـه لاتــِرجع اَذا مـاشـِورت..
چنت إصلیلڬ لمن توگع ذنوب..
خفت اشوربیڬ بس اتندمت ..
اٰمرایة. چنت العینی ونسل شوگی. بیڬ..
هــسة من إیدی طحت وتکسرت..
خاف اَلمڬ یاکل ابـ چف إیدی شوف.
مـن بعید ابـ عید هیج وحاظـرت ..
أنته گلبڬ بی محطات وقطار..
صعدیت اهوای ناس ونزلت ..
یاغصن عصفورڬ اَمقرر یطیر ..
إیرید عشه وخلفته اَشما حملت..
گمت اطشر بلنفس ولزم هواڬ..
گمت اگلة ویاڬ آنه اشـ قصرت؟؟؟
ینشد ابـ‌رجلی .حبل من چنت اجیڬ..
وچنت اگطعة الخاطرڬ ماحسبت؟
یوگف ابـ عینی العمه وترجه بی..
کلشي من دنیای اَخبرڬ ماشفت..
گلبی یم بابه حمامه وعنکبوب..
راد ..یدخل غیرڬ .ومادخلت..
چنت احسبنڬ نبی وخایف علیڬ..
بس عساهآ أبـ ختڬ أنته الخربت..
آنه شیطان العشگ دنگلی راس..
گتلة مو صوچڬ علیمن دنگت ..؟
هواَ لو راید یضل ضل من زمان..
لاتغیرة أنته ولا هاذة الـ وکت..

لشاعر حسن الـ حیدري