هنا

[ღ عِشق ღ]

بالأرض جن وإنس ** طلعت أتشيع الشمس

للحزن صرخةْ ألم ضجت بالآفاق

ياعلي ودع رسول الحُب والأخلاق

طهَ .. طهَ


ندري جرحك ينلچم لمن نلمسه
وإنته ابن عم الرسول وإنته نفسه
يالنهارك مظلم ويبچي اعله امسه
يانهار الوجه يروي ابلايه شمسه

نعشه لمن ينحمل ** رحمة الله ترتحل

للبشر شوفة مُحمد باب الأرزاق

ياعلي ودع رسول الحُب والأخلاق

طهَ .. طهَ
________________________

يالتريد ابغسله ودفنه اليعينك
هذا جبرائيل انظره عن يمينك
وبيسارك صبرك اتشوفه ويقينك
يا أسد خيبر تصيح الدنيه وينك

ساعةْ الشال النعش ** جسم ابو حسين لرتعش

والمُنادي للحبيب الباري مشتاق

ياعلي ودع رسول الحُب والأخلاق

طهَ .. طهَ
________________________

يالكسر ظهرك رسول الله ابرحيله
ليلة اوداعه اعله قلبك اقسه ليله
ايعينه الله اليدفن ابـ إيده خليله
والتُراب ابيا صبر يا چف يهيله !

يالردت مني الصبر ** شلي بعدك بالعمر

يلي شمسك غابت ابساعات الإشراق

ياعلي ودع رسول الحُب والأخلاق

طهَ .. طهَ
________________________

ودعك طهَ وچنت تسمع كلامه
ايگلك الدين ابفضل حُبك تمامه
والله لو چان الأمر بيدك زِمامه
چانت اتعيش البشر كلها ابسلامه

عادل ابحكم العدل ** شعرة سيفك مايزل

يامن الكل مُعضلة وكل شدة سباق

ياعلي ودع رسول الحُب والأخلاق

طهَ .. طهَ
________________________

إنته كتله ابعيني ياسيد البريه
كلي طاعة اشما توصيني ابوصيه
عندي يامن رايد اتودع الزجيه
لاتغمد سيقي وتكيد اديه

عندي بس هذا الطلب ** والأجل وعده اقترب

كلي شيضملي الزمن وأكشفلي الأوراق

ياعلي ودع رسول الحُب والأخلاق

طهَ .. طهَ
________________________

گيدتْ عَزمك إبن عَمك وصيته
وإنته اليخاف الهوه إيمر إعله بيته
بابك ابعينك شفت نار ابثنيته
وإنته باب المحد إيهزه دحيته

فاطمة اتهل الدمع ** وأنكسر منها الضلع

سطرة الخد جرحت من عدها الأحداق

ياعلي ودع رسول الحُب والأخلاق

طهَ .. طهَ
________________________

نادتك مايختلط شكي ابيقيني
من اصيحن ياعلي مسرع تجيني
والعجب ما هزتك طيحةْ جنيني
وإنته تنظر حالتي وتسمع ونيني

والعذر مو شيمتك ** يلي أسمع حسرتك

آني بعيونك شفت دمعات الاشفاق

ياعلي ودع رسول الحُب والأخلاق

طهَ .. طهَ
________________________

من إجت للمسجد ابحيرة أمرها
ياعلي منحنيه من شدة كسرها
چف دفعها وچف على الحايط عصرها
جف طفه اعيون الوديعه من سطرها

ياعلي البيك انتخت ** عنك اتحامي أجت

المثلك امگيد وسافه اتشوفه ينساق

ياعلي ودع رسول الحُب والأخلاق

طهَ .. طهَ


________________________


كلمات الشاعر :~ السيـد سعيـد الصـافي الرميثـي

________________________


تحميل=>>MP3


Dorar Al iraq
~
, 1440

[Mohammed K.F]

شكرا زهراء لمجهودك القيم
جزاك الله كل خير

[ღ عِشق ღ]

شكرا زهراء لمجهودك القيم
جزاك الله كل خير

شكراً لتواجدك، نورت الموضوع محمد :)