هنا

[تّـفـاَصيلـٓ]

(( محطات ))
-مليئة بـ الخذلان -
وكانت المناجات من قاع الأسى
—————————


كـافي ..
گلبي يـمشي بدروبـك ذليل

بـارده آثـياب اليـالي
وچنـها حضنك
دوم ماضمت دخيل
_________________


كافي ..
أكد اعله الـنذور الماتجيبك

كل كمر ..
تانـه قميصك
زنجر بعيني أنتضاره
—————————


ضمني ..
بس الليله يمك

أرجف ابابك أولايـه
شارده من الضلمه وجدام السكاره
——————————


عازتـك ..
خلـت سمـاري
يسـجد الـ كلشي حضن
__________________


كل ..
الـولايـات
فرغة من مـشيت
أنتـه يا أول بـنادم چانت عـيونـه شعب
____________________


يـاحبيبي . .
نامت الناس بعشگها
وأنـه وعيوني الـغريبه تايـهين بليل حزنك
——————————


وين اسافر ..
وانسه وجهك

وانـته اسمك
تارس أجفوف الشوارع لافـتات
——————————


يافـضيحه ..
الـماتسدهـه عيون خير

شـايـل
أهلالي
أعله مـتني
اوگـف أتـوسـل سمـاك
——————————


أنـه حسبالي . .
شـكو واحد ترف گلبـه فـطير
أنـه ويـن أدريـبك أدور ضحكـتك

گتلي ماتسوه الحرب
من غير دمك
دنكت نحري وگلتلك
بيش ما تذبحني احبك
___________________


ياوليد
الندى بسك ..
لا تـخيط جرحي بحبـال الـندم

الضـمه تـناوش أيـامي
ومـالي بــ الوادم مطر

كافي أنـخاك عـله گطره
وشامتك فزعـة نـهر
——————————


كلشي سويته حرام
شوغـتي ..
ودم المحاجر
والجكاير
والعيون الطبعن
بضهر الستاير
حسب أحسابك حرام

وخاف من نتلاگه باجر
خاف من نتلاگه باجر
ردلي ديني
هاكثـر مطلوبلي دموع وخواطر
—————————
.
.
المجموعة الشعرية
للمبدع ناصر البدري

[سمراء من قوم عيسى]

عاشت ايدج

[الشاعر اسماعيل القريشي]

جميل ورائع