بسالفتي اغص مرات يالمجفي وياي
ضاكت لما بالــريج ظل يوكف الماي
ما نادم اعله اجــفاك بس عندي غايه.
خاف اويه خصمي ادير شنحط لهايه.
مـن حده حادي اهـواي وابعـد بـالضـعون
رجليـه شـالـن طـين مـن دمـع العيـون
اليتمرض من افراك ولفه انحنيله
الفاجدله خل معذور لو عافه حيله
بيرغ و ما لفيت روحي اعله الزنود
بيد العجايز ظال كلساعه معـــكود
يوم اعله يوم الشيب يكثر والخدود
ذبلــن وكام اويــاي يتــخازر الدود
وين احـنـه وين الـزاد هجرك گضانـه!
ضـل ينـصب وينـشال ؏ـگبـك غدانـه
غـيـر أقـتنـ؏ مـدفون وتـوطـن الهـآي!
يم صورتك خـليت گرصه وبطل ماي
لحــد يگــلي شبــيك مابيـــه كلشي
أقره الحمد والنون يالله اكدر امشي
گد ما صفنـــت عليك من حل الوداع
اسمع دبيب الدود من يمشي عاالگاع
لا صـورة مـن اهـوآي ضلـت واشمهـه
واستجن تالي الليل وابجي لـرسمهه!.
الحــظـــه مال اوطاح ماعـــدله گـوه
لو حطله سبع احظوظ هم ذاك اهـوه
اتغمض عيـن وعين تبجي ا؏ـله خلهه
روحـي اعلـه ملـج الـموت ذبت حبلهه!
ما اهـزلكَ الفنجان صب يالـوكـت صب
باچـر يصـير احـساب وانه اطلع اطلب!
كلالي انه وياك مثل الرحه اندار
جربته بس موخوش دورلي اعذار
رد مع اقتباس
