درر العراق

فقار الكرخي · 6/November/2018

مو کفوها یانهر وترجه بیڬ....
اَنته شنهي آولیدي مني اَخذیته....
آنه تسع اشهور حملیته ابـ عذاب ....
فنڬ اَنته اَسبوع اذا حملیته ....
یانهر گصت الجرف عرگتلي طین....
ماخجل مایڬ لمن حاچیته ....
ما اَمعلم ابني عد أحد یبات ....
وما أتلذله النومه اله ابـ بیته ....
یانهر لوبیڬ ذرة اَمنل حنان ....
چان ابني علی ما ضمیته....
اَنته هم اَمخلف وعندڬ جهال....
ولیل هم مثلي سهر گضیته....
لاوحگ الباست اُچفوفه الفرات....
عیب کاروڬ الطفل هزیته....
آنه کبرته ابـ تعب گلت اَستریح ....
مو الهاذ الیوم أنا ربیته ....
علیڬ من ادعی اهز عرش السماء ....
یانهر رد ابني احتاجیته....
بعدة نیشان المهر بچفوف ادي ....
وللعرس بعدة آنه مازفیته....
یانهر سدیت باب اَنفاسي لیش....
ولیش من شم الهوآ اتسد ریته....
ابني لو عندڬ حیه یا ابولحیاء....
مثل ماخذته عدل ردیته ..

الشـاعر حسین الـ حـیدري