هنا

[فقار الكرخي]

کل نیتي ضلع بـس نیّتڬ بسـمار.
آنه احزام ظهرڬ ونته لا خـنجـر.
آنه أصویحبڬ بس انته صاحب ثار.
شـایل غیـض منی اوشـایلڬ وفتر.
اذکرڬ بل أکل تذکرني بل طعنات..
اٰموت ابـ غیــبتڬ وتمـوت من احظر.
اگـوم الخاطرڬ یل تگعـد ابـ لیـاي.
گعدة المنتـه بیـهأ الـچاي مایخدر.
مـن گد ما امدنگ کلت وجهي الگاع.
راسي اشـ مرد ارفـعة اویاڬ مااگدر.
لاتحسبهأ ذلــة اتوسلڬ (ومتـاز).
یـم غیـرڬ ملـڬ مـو مثلي یتکبـر.
راضیلڬ تذلني أومنته راضي ابـ هاي.
کــل الّـحگ الـیه اومنـڬ اتـعـذر.
وصـلت للـعظـم سچینـتڬ یفـلان.
کلـت بیـه لـحم ومنل طعن تشتر.
کلوکتڬ علی خو مرة صیر اویاي.
جرّب تـربح انته اوکلشي ماتخسر.
أمدحڬ بلغیاب اتذمني عین اَبعین.
مامتعافي حتی اتجازي خیري اَبشر.
شنهي اشسمعوڬ اربیعتڬ یفلان.
اشگـالولڬ علیـه او منـي تتکتـر.
مـدري اٰشمالني اشما احترم انهان.
اشما اَحچي الحقیقه الربع منی اتفر.
لابلبال هیه ابـ دنیـه هیچ تریـد.
بس باچر وراڬ احساب بل محشر.





علي سـمور الـ حیدري.

[سمراء من قوم عيسى]

سلمت يداك

[الشاعر اسماعيل القريشي]

روووووعه استاذ فقار تسلم

[فقار الكرخي]

نورتو

[أستثنـآئيـّةة❤️]

حلوو