شفت أوجوه خوه و چانت أعداي
فتحت أعيوني ابچي أبهاي دنياي
و هذا أوّل حزن متواتب اهوااي
و آنه ازغير شدّوا جرحي بگماط
آنه من الطفوله أبحث على' أدواي
و گالوا تكبر أنت و تنسه الهموم
و كبرت و كبرن الوعات وياي
تحمّلني الحزن يا وكتي بس ليش ؟
أنا يا شجره منهه بايگ افيـــاي
يا بلبل سجنته و عاش محبوس ...
و يا سمچه اللي منهه گاطع الماي .!؟
أنا حتى' الكتلني أبعشگ ، مو ، سيف
سامحتــه و مشيــت البيــته بدّاي
بناي الناس مثلي خاليه اگلوب ..
شفت أوجوه خوه و چانت أعداي
من گد ما سامحت و اتنازلت دوم ...
صاير مشخله من طيبتي اگفاي
مو شغلت غشيم و حقد ماشيل
هايه طيبّتي و متعود الـــ هاي
آنه ابفاصلت جرحين ما انشاف ...
و من صوتي ايعرفني الماشي و الجاي
من أيطول خلگي ، عمري يگصر ليش ؟
مثل خيط الشمع موتــي علي' أضواي
الوادم تنولد بل دنيه حتى' أتعيش ...
و أنا ميّت عدل ولدتنــي دنياي
قاسم الدخيني
رد مع اقتباس
