تتعبني
تتعبني
وتتيهني .
وأسافرلك حلم وعيون..
أسافرلك حمل ومتون
أريد أمشيك
تعبت وأنه أشوفنك خريطه بعين كل مسجون
يلتهمني
اخذني وياك بالصفنه رجيج الشوف..
يل ماتوصل الطولي شيوصلك.؟ بريد الخوف
اسامي تشكك بروحي وأريدك ليش.؟
ناس تكودني بكلبي وأريدك وين..؟
أخذني لجرفك حجايه وصرايف طين
يهنيالك..
عشكتك رب وغمضلك..
اليغمض بالدعاء يشوف والوادم تريد عيون..!
باجر مدري ياباجر أكوله وما أعرفه شلون.؟
بأجر تنجفي رسومك..
والمايعرف يحبك تعرفه عيوني ماصله..
وباجر أحله بعيونك
وتدري انته اليريد يموت يحله بيومه من الله..
عيون الوادم تخظر وصابيعك بعين الناي..
حزن والناس تلجمني وأريدك بالعمر بهداي
أريدك واليريد يعيش
حد ماتعرك عيونه ويشوف الطين..
أريدك
تلتم بروحي مثل تعب المشي يلتم ويه الرجلين
شخظرلك درب وتراب ، لو تابوت ؟
يلوموني ، ويغنونك صدى بلا صوت..
مايك لايجي لكل طين
وتكلي يرف كلبي
ورفيف الكلب يحجيلك' صور للموت
أمس' كلشي يغنيلي تعب بي خوف
أمس حلمك
جزه عيوني وأخذ مني الدرب والشوف
مناير غازلت جم طين وانه بجفي خصر الكاس'
أمس لوني تغيرلك
امس شافتني كل الناس
أمس غنيت البروحي
وقريت أسمك..!
الجمله الفارغه من أسمك باصابيعي ولا تنجاس
أضمك وين..؟ خزينة دوله البكلبي تريده الناس
أريد انساك
ركضة ملكه تاخذني وأرد أعثر
أريد انساك
فيي روحك كله بكلبي أثاري الفي ظلام اسمر
عبد الله راهي
رد مع اقتباس
