هنا

[فقار الكرخي]

لانهر غيرك
حله بعيني وعطشته
ولانهر ودك رواني
---------
لو تستاهل ابچيلك فرات ونص
---------
انه گصيت التذاكر
وخاف ماتلگاني باجر
شوفة اعيونك امتاعي
----------
اشمالك يگلبي ابغيرك اتهم
وهيه المحنه مو اتحشم
----------
مدوهنين
وحيرة ابن ادم اضنونه
---------
انه اموت من العطش
وبصفي بير
هيج اعيش ابكيفي اموت ابمشتهاي
------------
حگگ عفتني جان بيه الذنب
الحلو لو كلش حلو مو حلو
----------*
انته نجمه ومابتت ليله بسماك
وليحبني لايحلفني بعزيز
حته ما اذكر اشطايح وراك
-----------
يالجنك حرز يالحدر زيجي تبات
يالجنك ولد للعدهه بس نسوان
------------
انته مثل البدوي يوميه بمجان
وياهو يضحكلك تذب روحك وراه
--------------
حزن بس مو حزن چنه
حزن گد الله لا ازود
---------------
الله اذا يدري شكو بكلبي سوالف
ليش ساكت!
----------------
هوسه ناس
مابين الصور والكاس
------------------
يالذيذ
اشما تشح تكثر معزتك
هيج من الله معزتك
----------------
اخاف اشتاگلك والگاك
تارس عينك ابغيري
-----------
اغسل اذنوبك
بشباج الرسايل
وكون كلبك ابيض
ابلون الهلاهل
------------
صفنه اعله الصور
حسبالنه ترمشون
-----------
مدوهنين
بدرب مامسحوك والضلمه اعله كدنه
اتلوجنه الياحيف
وسنون الندم احنه وجنطنه
---------------
الوطن
والبالوطن
غربه وسكاره
---------------
ازعل
وباوع وراك
محد يصيح انتضرني
-----------
كونك اتحبني صدك
افگدني من امشي
كونك اتحبني صدك
مابللت رمشي
--------------
يموش انته
انجفه ماي الفجر والعتب مو وكته
يمجره الدم
هذه انه المشو بجنازته بسكته







احمد الزيدي

[سمراء من قوم عيسى]

عاشت ايدك

[فقار الكرخي]

نورتي