محتفلين بعرس القاسم يوم استشهاد العباس
بولايتنه
من أجمل ما بولايتنه جهل الناس
محتفلين بعرس القاسم يوم استشهاد العباس
ومن أجمل مابولايتنه الفقره هواي
عبدالله مخيلنه خرافه ومصدكين بعبد الماي
وكلشي يشور
الاستاذ
الحجي
الست
نذر السيد
كله تشور من الشرطي لاكبر راس
ومجنون اليكتبله روايه
وعاقل حيل الخطله دعايه
بولايتنه الحوته تسولف
والكمر يخاف من الحوته
والبلبل محضور يغني
وفحل الماعز صوته يخبل
مظطهدينه وحيل يحقله يجرب صوته
بولايتنه تشرب دم الفقرة يحقلك
وبت السيد بس للسيد
ميهم عانز تبقه سنين
الضاهر جان الله يفرق
عنده حصانه لطين وطين
وبولايتنه الساسه خوارج
والسجادة شكد حزبيه
المو بالتيار الزاجل
ماله صلاه وي الفضيه
وسايقنه يعجبك مو سايق
بس يتراجع مايتقدم
ومن العبريه يفول دم
واكبر خرسان العبريه
وطن يوزع للموفقره
ويفرش جمره بدرب الحافي
الياكل بينه نصبله بدمنه
ونصبله ومانسمع كافي
ونقطه ابين النقطه ونقطه
واتفتش كل مامر نقطه
من ارجع بيتي انكت جلدي
الشغلة تفشل بصمات الشرطه اعله اردافي
وضهر الكوفه شكد تعبان
حملوه حمل بكد الدنيا
ويا دوب يدبر شكبان
ويمكن ماحاسبني لساني
ارد احجيله
ارد اشكيله
اوكف ست ساعات ابابه
ويحجي وياي من الحيطان
بولايتنه هوايه سوالف
بس الوادم مقتنعين
خاف اتعمق وتعيروني
جوه المرمر كلش طين
عقيل العرد
رد مع اقتباس