هنا

[مريم@]

سالفتنه اليوم

#ابو عبد
------------------
ايگول ابو عبد.،،،انه اول امس گلت لام عبد ولچ خايبه اريد اطرش
گالت ها وين يبعد روح ام عبد واهلهه
گتلهه والله اليوم ظكرت اختي فخريه من عهد موتت امي وانه ما شايفهه
وانتي تدرين وصية امي من وصتني ( يمه ابو عبد بعد ما اوصيك باخيتك ولك يمه موش تگطع بيها والگطع موش زين يبعد امك )
ام عبد ..گالتلي الله وياك ومحمد وعلي
والله ثاني يوم غبشت ولبغداد ..وما اطول عليكم
گول وصلت لبغداد واشرت لتكسي وهم طلع خوش ولد مثل ويوهكم ..گتله بعد عمك تره عمك من العماره وما اندل… گال حجي تامر امر
والله اطيته العنوان كاتبينه الي بورقه وخذاني لحي الجوادين هيچ على صفحة الشعله وانحدر بي هابط..
والله نزلت بالمچان ولگيتهه خطيه جاعده بالباب چنهه متانيتني
ابنهه زيدان شافني من بعيد ..وگلهه يمه هاظ اظنه خالي ابو عبد ايانه ..

وهيه من شافتني صيحت وگامت تنعه :-
خووويه… هلا بيك بعد اختك واهلهه
خوووويه… يابعد روحي وبعد رجلهه
خوووويه.. الدنيه تفارگ وليفٍ عن ولفهه

ييمممممه ..لاگيت اخوي ومانشدني
ييمممممه.. حسباله أگلله وياك اخذني
ييمممممه.. ماظنتي ابن امي هظمني
ييممممه ..ثوبي يديد والكروه منّي

خوووويه… حمدان بيك ريحة امي ..
انوب تعال ليه يخويه
وانه الدمعه نزلت من عيني وبالدربونه وزحمه من الوادم گوه دشيت لبيت اختي.

..صلوا ارحامكم ..فصلة الرحم تعمر الديار ..وتزيد من الاعمار ..وان كان اصحابها غير اخيار ..
ياجماعة الخير
#منقول

[د. حسن سعيد]

شكراً

[وَدْق]

خطيه