هنا

[فقار الكرخي]

اشد حيلي بضفيرة ليل من حيلك
وابچيلك گصب محروگ
وبكل ناي اغنيلك
تراودني بعطش والگاك
سفرة نهر بضلوعي
النذر شيفيد
لوياس الموادع كفر شموعي
اشد رمش برمش والروج
ياخذني لجرف نسيان بدموعي
واسولف حلمك من ايفوت
واسكت من يجي عتابك
تصليني بشرع ياطين
وانه اغفه اعله محرابك
شلك بيه يشمس اغروب
وش تسوى انچوي ابابك
شلك بيه وجه محسوب
والحيطان
رسمتني بسما اترابك
شلك بيه وسبيلك شابگ البيبان
وايدوّر ورى غيابك
لاتغبش
يسبّاح الضوى المهجور
ماعندي وجه يتباشر بلونك
الكفر بي شوف
ماعنده عقيده بمذهب عيونك
يسباح الضوى الصفنات إلبروحي
اتّلاگه گبور من دونك








وسام سباهي

[صفاء العامري]

شكرا فقار

[سمراء من قوم عيسى]

عاشت ايدك

[فقار الكرخي]

منورين