اعترافات_زوجة :
وحده تكول و أني فاتحة الفيس بوك لكيت زوجي دازلي طلب على حسابي يلي أصلا أني كاتبة بي اسم مستعار غير اسمي الحقيقي
قبلت الاضافة و صار العينتين صديقي .... كام شيخ الشباب صار يحاجيني عالخاص ...
و بيني و بين نفسي صرت اكول :
أنت وقعت وللا الهوى رماك ؟؟ وقعت بحضن أمك و أبوك !!!! أجت فرصتي لحد عندي أني أخد حقي و بالنهاية ا شوف خيانته إلي شوف العين
حاجاني .. مازحني ..مازحته
غازلني اتقبلت غزله ...كل يوم يدزلي نكت و صور و يحاجيني ..و مايصير الليل إلا و شوفه كاعد على هاللابتوب مندمج
كال شنو !!! عنده شغل يخلصه و أني اسوي روحي مشغولة بالمطبخ و هو ممنون طبعا من انشغالي . و صرت أحاجيه من المطبخ
مرت اﻷيام على هالمنوال ..كل يوم نكت و فرفشة و غزل و كلام ناعم عالفيس ..و بالبيت منكد عيشتي و مطالع عيني و ضارب بوز ...
بعد هالفترة كلي ..اريد شوف صورتج !!!
كلتله : اي تدلل ...ليش ﻷ ؟
و رحت دزيت صورة بنت بتاخد العقل من النت ..
الزلمة طار عقله و صار متل المجنون ... و أنا بيني و بين نفسي داحترك... بس قاومت و كملت
سألني أنت مرتبطة؟ قلت : ﻷ
كال طيب تزوجيني ؟؟؟؟
كلتله بس أنت متزوج !!!
كال بالله ما تذكريني ... هي وحدة نكدية و ماتنطاق ..
كلتله ماشي ..بس أنا مهري غالي وأنا وحدة دلوعة ..و أصلا علمود أهلي يوافقوا عليك اريد منك تخم ذهب غالي ... كلي أنت تأمري يا عيوني ....
جنت حاطة عيوني على تخم ذهب بألماس يصطل بمحل معين ... طلبت منه يشتريه و يجيني
ابن الملعونة ..راح اشتراه بجد و رجع يحاجيني و يطلب مني العنوان علمود يقابل أهلي و يطلبني و يلبس الذهب
كلتله انتبه ..لا مرتك النكدية تشوفه و تخربطلنا القصة ..كلي لا أنا حطيته ب مكتبي و قافل عليه ..
كلتله : يا عيني عليك شكد حريص ...
و صرت ادلع عليه ... حبيبي ..أنت شنو خلاك تحبني هالكد ؟؟ شكلي بس ؟؟؟ كال ..طبعا ﻷ ... روحج الحلوة و دلعج و خفة دمج شدوني إلج ..أما الشكل أخر شي فكر بي ...
كلتله زين طمنتني لعد حدزلك صورتي الحقيقية ...
كلي يعني أنت مو حلوة ؟؟؟ و هذيك الصورة مو صورتج؟؟؟ كلتله: ﻷ أنا حلوة لاتخاف بس الصورة مو صورتي ...
جمد شوي ورجع كمل ..كال مو مشكلة ..دزي صورتك الحقيقية
و دزيتله صورة أمه ..عمتي العزيزه ..........................
بيبي. ..حبيبي ...حياتي ... وين رحت ؟؟؟
الحلو راح بغيبوبة سكر و قضى ليلة بالعناية المركزة
و حاليا صرله أسبوع فاقد النطق و لسانه معوووج عاليمين
و مو كادر غير يأشر تأشير
و يباوعني نظرات ..و الله ماكدرت فسره .. هيه اعتذار ..هيه أسف .. هيه ندم .. مافهمت بس باﻷخر قررت أنو هي نظرات تساؤل أنو شنو صار بتخم الذهب ؟؟؟
حتى لتسوء حالته رحت فتحت المجر و طلعت التخم و لبسته و جيت وكفت مقابيله ..
هنوب حتى ايده الي كان يأشر بيه جمدت ....
رد مع اقتباس
