هنا

[فقار الكرخي]

البارحة مگابل حبيبي وغنيت
واتذكر يغني الگمر ويانــه '

سولفنه والـ ااخ انطفت عالشباچ
وضحكنه وهنااك اعرفت دنيانــه '

گالتلي تضحك صورتي بتالي الليل ؟
گلت الهه عوفيهه حدر نعسانــه '

گالتلي بالدم حصتي مو يفلان ؟
گلت الهه بعيوني وصلاتي وانــه '

گالتلي روحك توجعك من يا صوب ؟
گلت الهه من كل صوب الچ عطشانـه '

گالتلي چا وين الزراگ الـ بالماي ؟
گلت الهه سافر من سمع زعلانــه '

گالتي چا فانوس وجهك والليل ؟
گلت الهه شمتعبني يالتعبانــه '

تشابگنـه وتغطينـه بينـه وفزيت
ثاريهه روحي من التعب حلمانــه '

لن لا حبيبي ولا غنـه ولا شباچ
لا من درب شامرني يم بيبانــه '

يـ اهلي من تضيج بيه الحيطان
يعني بَين بيه عوز فلانـــه '






أمجد الحلفي .

[سمراء من قوم عيسى]

الله الله
انتقاء رائع

[فقار الكرخي]

منورة