ممكن من رخصتك عندي موضوع
ولو مشغول احسك لكن اسمعني
ميولك بالعلاقه ويــاي اي نــوع
لان حجيك صراحه هواي دوخني
ساعه تكلي احبك حيل احبك موت
واشوف الموت يضحك من تفاركني
وعلى هذا الاساس اني بنيت افكار
وكلت محبوبي صار وكلبي طمني
وساع تكلي خويه الخوه بس وياك
ولا تلفض حبيبي ارجوك تجرحني
نعم حبيتك انه وصرت شاعر بيك
وانت بكل قصيدة غزل تحضرني
يا فكرة حياتي البيهه باني امال
عشت احلام يقظه بحبك الهزني
ياريتك تكلي احجايه حته ارتاح
واخصمهه القضيه وكلي فاركني
لتسويهه قانون النفط والغــــاز
مثله امعلك انه ومحد يفضني
ماعايز وهم خلص عمري اوهام
اسمع بالحقيقه وما تصاحبني
و لاحسيت بيه شعجب ياذواق
يالتفرزن كلام المخفي والمبني
رد مع اقتباس
المشاركة الأصلية كتبت بواسطة كبريائي قاهرهم
