بعدني بحيلي ما تعبان
ماي شما ركدت اصفى
وبعدني اعتلك كل ليله
ضوى احمر لو طفت غرفه
احب الناس من يمي
وادليهم على البيهم
والاكي الفجر مشعل نار
بس يم الفضيحة اطفى
بريد وما عليه عنوان
حرز كل الجفوف تخاف من ظرفه
انه القلعه البلا حراس
ضريح يشور بروحه
ونذر نامت بكلبي الناس
ويسموني المضيع الماي
وانه الصعدت جرفه
انه الفوضوي
المايدري باجر وين
جفنه بيا حلم يغفه
البعيد المبتعد عن لا
حجي الوادم يجي بصفه
ومن راد الشعر قربان
انه اول من ذبح حرفه
,,,,,,,,,,,,
عقيل العرد
رد مع اقتباس
المشاركة الأصلية كتبت بواسطة سمراء من قوم عيسى
