قصيدة دلائل عقلية ( لاثبات وجود الله)
قصيدة دلائل عقلية
ارد احجيي اذا تسمح وانه الممنون
وارد اذكر دلائل كلهه عقلية
اثبت بيهه عقليا وجود الله
من اهل العلم ادلة قطعية
اضربلك مثل تسهيله للموضوع
واريد تركز بچلماتنه اشويه
يعني لو گلتلك الك يمي فلوس
بس لازم يوافق واحد اعليه
لو وافق اسلمك ماكو كل اشكال
ما بيهه صعوبة وشغلة منهيه
الوافق مؤثر لازم انسميه
والتسليم اثر يتسمة عادية
ذني اثنينهن مصطلح ثابت دوم
عند الفلسفة بصورة اعتمادية
بس لو اكو تلاثة لازم ايقبلون
واحد يقبل اعلى الثاني وديه
فالثالث مؤثر اول ايحسبوه
ما يحتاج غيره بالصلاحية
لو نفرض الاول هم وراه اشخاص
باستمرار وبحالات ابدية
مابيهه مؤثر اول بهل الحال
ويصير الاثر ماله وجوديه
واضربلك مثل ثاني على الموضوع
للتوضيح اكثر بيه شفافية
لو گلنه الف مصنوعه من الباء
والباء انصنع من جيم تالية
والصانع وراه صانع اباستمرار
معناها الالف بالفعل مفنية
لو شفنه الالف موجوده ماكو اشكال
ما مصنوع صانعهه بديهية
من هذا تجينه قاعدة وقانون
قرهه العلماء وباتفاقية
تكرار المؤثر عل اثر تحديد
ما ينعقل لو يستمر دورية
لن ما بيهه اول تستمر للدوم
من واحد لواحد ماهي مگضية
عقلا مستحيلة وماتجي عل البال
لازم اكو اول ماله علية
لو شفنه الاثر موجود يعني نگول
ما متكرر الفاعل وحتمية
والفاعل يصير اول وما يحتاج
واحد گبله وبصورة ضرورية
لو نفرض نگول الصدفة تلعب دور
مو فاعل نتيجة للفعل هية
لو شباچك امكسر الجام البيه
فالفاعل كسر صدفة او قصدية
لو شباچك اتصلح الجام البيه
تسأل على الفاعل بالخصوصية
ما مكن الصدفة تصلح المكسور
والتصليح لازم بيه نظامية
تنظيف المكسر من على الشباچ
واحضار الجديد بكل قياسية
يتثبت على الشباك بالمعجون
كل هذا الحصل اعمال فكرية
يعني الصدفة تتبع فاعل وموجود
ما عدهه ابد افعال فنية
فكر ابحث بكل الخلايق زين
تلگة العجب بيهه الحير الدنيه
من ابسط بشر للعالم المشهور
والابحاث ارضية وسماوية
عرفو هل نظام اليمشي بيه الكون
ما بيه ذرة من اخطاء ذاتية
لو نفرض يجي كل عالم بهل كون
باحدث المكائن الصناعية
لو حبة قمح ما ممكن يصنعون
تنبت تحيا بالارض الزراعية
خل نسأل منو الخالق المخلوقات
علما هيه موجودات مرئية
لازم الهه خالق ابد ما مخلوق
لو ما الهه خالق فهيه منفية
مادام الخلايق كلهه موجودات
موجود الخلقهه بصورة شخصية
يتحتم وجوده بغير كل اشكال
ماله كل بداية ولا نهائية
هوه الاول واخر بكل لحوال
متفرد لوحده بالالوهية
والخالق صفاته تبين بكل حال
من كل الخلايق بالكمالية
ما معقوله واحد يفتقر للمال
ينطي للمقابل منحه مالية
مامعقولة واحد بالجهل موصوف
ينطي للمقابل شغلة علمية
ما معقول واحد جايع وهلكان
ينطيلة ولو وجبة غذائية
بالقوة انوصف والرفعه هذا الكون
فالخالق اذن قوته فعلية
والانسان بيه رحمة وعدل وانصاف
بيه قدرة وحكم واوصاف خلقية
يتميز بعقلة وعلمه والزينات
من تقويم واعجازات انسية
مو بس البشر باوع المخلوقات
دقق بيهه تلگه اعداد نوعية
كل نوع بنظام تميز وابداع
وبقانون ثابت دقة سحرية
كلهه بالاصل من خالق الاكوان
يوصف بالتكامل مية بالمية
اسماعيل القريشي
https://youtu.be/AZ8o_m-2vuA
ِِ
رد مع اقتباس
المشاركة الأصلية كتبت بواسطة فقار الكرخي
