قصيدة صراحة
قصيدة صراحة
من شفتهه الدنيا طلعت من سبات
والعقل تاه بصحاري جفونهه
والكلب مردنه نظرات العيون
والحسن كله بسواد عيونهه
والشفايف حمر ما متبرجات
عل طبيعه الخلگ ايوصفونهه
والخدود متفحات موردات
حلوة تكتل والله وشمزيونهه
من ثگلهه وياي اتردد واخاف
بس ثگلهه ايعاكس المضمونهه
ساعة تضحك تبتسم واقره العيون
كلهه حب او ما انشِّع دونهه
وساعة اشوفن منهه كتمان وغموض
والخجل والمستحه يغطونهه
گلت اصارح خل يصير شمايصير
انه من هذا الوكت مجنونهه
گلت يبنيه ارد اسولف بس اخاف
عل صداقة وانه اريد انصونهه
وانتي كيفچ فكري وراعي الظروف
والصراحه اتريح اليردونهه
گالت احچي شمايجي منك زلال
وارد اشوف اسوالفك وشلونهه
گلت احبچ وانه مفتون بهواچ
والمحبة اتعب اليردونهه
ضحكت وحسرتهه وصلت للسماء
والخجل والفرحه غيرن لونهه
گالت انه بحلم لو هذا خيال
خلي نحفظ هل محبة نصونهه
انه احبك ياحبيبي من زمان
والمحبة بالگلب مكنونهه
من گلتلي طيبت كل الجروح
والعلاقة وياك يتمنونهه
اسماعيل القريشي
رد مع اقتباس
المشاركة الأصلية كتبت بواسطة Suzana
