قصيدة غزل
قصيدة غزل
يا ليلو وذهب واستبرق والماس
جمالك مو طبيعي محد ايرفضه
يمدوخ الشمس تفتر وراك اسنين
تتحذر مغيبك تنطفي بلحظه
يمخلي الكمر شمعه وضواه اشحيح
واشحدة من يشوفك والله يتشظهو
حسنك فاق يوسف بالوصف مرات
ورض اكليبي حبك والله فد رضه
ما اعوفن عشرتي وياك لا والله
وصدكني النضر وياك ما اغضة
احبك وانته تدري بحبي كله احساس
واطيعك وانثني وابامرك انه ارضى
كل عمري الكضيته بدونك انه انزاح
واتبعثر او راح وقدرو لمظه
واعتابك لطيف من انه ازل وياك
جن اشرب زلال ابطاسة من فضة
واشتاكيت اشوفن مرة تخطي وياي
حتى اغفر واسامح لمن ما ترضى
انه وياك ما حبو مثلنه احباب
على طول الدهر حبنه فلا يكضه
وتدري باليحبك ما يشوف الضيم
ومن حضه اليحبك والله من حضه
ما اكتب غزل من بعدك وللدوم
وخلي المايعجبه بالزعل يحضه
اسماعيل القريش
رد مع اقتباس
المشاركة الأصلية كتبت بواسطة فقار الكرخي
