يشتهونك
يشتهونك
من
يوشل مايك وما تضل گطره
يشتهونك
من تطيح اوراق عمرك
و العمر ينباع عمره
من تطيح
إفرح اذا لاگيت تچوه
و إبچي اذا محسوب نزوه
يشترونك
من بعد ما تسوه شروه
من چنت مبيوع
لرخص منجل إيشحون إدين
ومن تدير الظهر صدفه
و تلتفت ما تلگه ( وين)
هنا تهم جدامك لوادم غريبه
كون محد يعرف اسمك
كون محد حفظ رسمك
كون محد لجله يوم تبدي عين
حتى ما تغتاض هو انت غريب
الغريب العاش بين اهله نحيب
تبچي روحك
وانت محد رخص دموعه وبچالك
حالك
دموع
وقصيده
وليل يذبح هذا حالك
يا رخص دمعك يبو دموع الرخيصه
شايل الدنيا إعله راسك
وانت محد كلف اچفوفه و جرح شالك
آآآه يمنسي
الـ چنك إجروحي الغميجه
بنادم الما يلگه رفگه
ماكو غير الليل محبوبه و رفيجه
رافگ النهران
بلكت تمشي بيك، الدنيا سفره...
و اضحك و لا تنسه روحك
مو بعيد الفرح ،شمره ...
احمد العبيدي
رد مع اقتباس