وراكم عايش براحه القلق راح
رساله تكول خير شبيك مابيك
عله الله بخير كلش جاوبتهم
من يوم العفتكم بالي مرتاح
ضلو بهل زعل يل دللتكم
وراكم عايش براحه القلق راح
لو ادري من الاول جا عفتكم
جنت شمعه بدربكم ماطفت يوم
بس انتم تحبون اليغثكم
العتب ويه النحبهم زايد ايصير
لو تسوون لا جا عاتبتكم
مامهتم ابشركم ولا ضوج
وذا تردون خي طول زعلكم
جنت مانام ليلي ولا جفن هاد
ماشايف فرحكم بس حزنكم
يل خليتو خنجر بين الضلوع
ورد جنت منجيكم جايبلكم
ويهنياله الخذاكم ماتعب حيل
ولا بليل كاعد يكتبلكم
ولا سهران مثلي وعينه عل ميل
وعله جتافه ابد ماشال همكم
ولا طاحت دمعته وكلبه ملجوم
و اه بكلبه لاكن غرد الكم
وراكم سائل نجوم وسمه وليل
متعجب كلبكم ماسئلكم
حرامات المثلنه بحبكم يضيع
وكفر دمعاتي طاحن عل مثلكم
العشك يحتاج موقف تضحيه وشوك
وكلهن ماشفتن بس سهمكم
ونه خليت شاهد جرحي عل صار
وباجر من اموت يسولفلكم
يجرحي الهم تكلم وشرحلهم
ولك ماريد تسئل وشرحلهم
بسك لا تكابر وشرح الهم
عليمن ساكت وشايل اذيه
امير الجنابي
رد مع اقتباس