قصيدة الدخيل
الدخيل
اِتوجَّهْ شوية گبال رب الكون
سبح واندعي واتذكر المعبود
واستغفر وكبر واحمد الرحمن
وصلي على النبي وال النبي المحمود
حافظ عل صلاة اجعلهه زاد وماي
واصبر عل مصايب واندعي متعود
واحذرك ماتساعد اهلك الربوك
امك والابو وارضاهم المريود
تره من دونهم ما تنقبل لعمال
لو تعمل دهر ماتوصل المقصود
وادعي باي وكت وبمختلف الاحوال
لا تقنط ابد رب العرش موجود
گله انه رضيت ابقسمتك وياي
واريدك ترضى يارب الكرم والجود
عني وعن اخوتي وربعي والخلان
وعن كلمن تضيگ الدنيا بيه واتزود
جينه نريد منك مغفرة ورضوان
من ذنوبنه وبابك فلا مسدود
طبع الشيخ يقبل كل دخيل وضيف
ورب لشيوخ انته واحنه ليك انعود
اقبلنه ضيوف ابرحمتك مولاي
دنيا واخره وبعطفك المعهود
مو طبعك الترفض لا الف حاشاك
تقبل كل دخيل ورحمتك لتسود
رحمة لمهات بذرة ماتنقاس
ويّه رحمتك واليدعي مامردود
المذنب تستره وانت لداويه
وتمهله بامل ما اله كل حدود
نحمدك يا الهي ونشكرك للدوم
من كل الخلايق دومك المحمود
اسماعيل القريشيِ
٢-١-٢٠١٧
رد مع اقتباس
المشاركة الأصلية كتبت بواسطة فقار الكرخي
