هنا

[الشاعر اسماعيل القريشي]

كل الاودهم فوگ وي عالي لغيوم
منزلتك انته وياي اعلى من النجوم

دنيتنه غبره وحيل ما بيهه نرتاح
لو انت هسه وياي نغرگ بالافراح

زلت لسان وياك تزعل علي ليش
ماتذكر الزينات والخوه والعيش

اسهر توالي الليل اتسامر وياك
چاشلي بالسهرات من غيرطرواك

ضل فكري حاير بيك محبوبي وينك
شنهي الجرى والصار تسلم عيونك

ضل فكري حاير بيك وانمرد گلبي
محبوبي انته وحيل ما انسى حبي

ضل فكري حاير بيك وعيوني ضعفن
من السهر والنوح وعليك يربن

ضل فكري حاير بيك حبك كتلتي
فدوه العمر انطيه ويعمن هذني

ضل فكري حاير بيك والحاله حاله
والگلب من فرگاك ضعفت احواله


ضل فكري حاير بيك احتصر واشتاگ
يمته تجي وارتاح مو بسك فراگ

ضل فكري حاير بيك لتغيب عني
من تبعد بلحظات يزداد وني

ضل فكري حاير بيك يمي وافگدك
رقة وجمال وخير كل هذا عندك

ضل فكري حاير بيك وين الوعد وين
گتلي اغيب اسبوع شو صارن سنين

ضل فكري حاير بيك گضاها تفكير
ماضل عقل بالراس دمرته تدمير

ضل فكري حاير بيك امشي واتعثر
والدرب ما بيه عيب گاعيته مرمر

الشاعر اسماعيل القريشي

[ضياء المالكي]

ابيات جميلة ... كل الشكر

[الشاعر اسماعيل القريشي]

شكرا لمرورك استاذي العزيز ونورتني

[روجـيـنـا ♡]

حلوو

[فقار الكرخي]

عاشت الايادي

[الشاعر اسماعيل القريشي]

وجودكم ارقى واجمل نورتوني اعزائي

[الشاعر اسماعيل القريشي]

حلوو

وجودكم احلى واجمل